31 август куни Сурхондарё вилояти Шўрчи туманининг «Дўстлик» ҳамда «Тўла» маҳаллаларида иккита хусусий мактабгача таълим муассасаси фойдаланишга топширилди. Бу ҳақда вилоят ҳокимлиги ахборот хизмати «Дарё» га хабар бермоқда.
Унинг тантанали очилиш маросимида вилоят ва туман ҳокимликлари мутасаддилари, мактабгача таълим муассасалари масъул ходимлари, ота-оналар ва кенг жамоатчилик вакиллари иштирок этди.
Тадбирда мактабгача таълим муассасалари тармоғини ҳозирги замон талаблари ва стандартлари асосида ривожлантиришга қаратилаётган эътибор юксак самаралар бераётгани таъкидланди.
200 ўринли ушбу муассасаларда тарбияланувчилар учун барча шароитлар яратилган. Бу ишлар учун жами 5 миллиард 300 миллион сўмга яқин маблағ сарфланди. Хоналар миллий қадриятларни акс эттирувчи ва болаларни китоб ўқишга қизиқтирувчи ўқув-методик жиҳозлар, одоб-ахлоққа ўргатувчи ўйинлар ва ўйинчоқлар, бадиий адабиётлар билан таъминланган. Ёзги айвонча, ёзги бассейн ва замонавий ўйин майдончалари болажонлар ихтиёрида. Малакали педагог ходимлар таълим-тарбия ишларини ўзбек, рус ва тилларида олиб боради.
Меҳмонлар боғчада таълим-тарбия бериш учун яратилган шароитлар билан яқиндан танишиб чиқди.
Изоҳ (0)