31-avgust kuni Surxondaryo viloyati Sho‘rchi tumanining “Do‘stlik” hamda “To‘la” mahallalarida ikkita xususiy maktabgacha ta’lim muassasasi foydalanishga topshirildi. Bu haqda viloyat hokimligi axborot xizmati “Daryo” ga xabar bermoqda.
Uning tantanali ochilish marosimida viloyat va tuman hokimliklari mutasaddilari, maktabgacha ta’lim muassasalari mas’ul xodimlari, ota-onalar va keng jamoatchilik vakillari ishtirok etdi.
Tadbirda maktabgacha ta’lim muassasalari tarmog‘ini hozirgi zamon talablari va standartlari asosida rivojlantirishga qaratilayotgan e’tibor yuksak samaralar berayotgani ta’kidlandi.
200 o‘rinli ushbu muassasalarda tarbiyalanuvchilar uchun barcha sharoitlar yaratilgan. Bu ishlar uchun jami 5 milliard 300 million so‘mga yaqin mablag‘ sarflandi. Xonalar milliy qadriyatlarni aks ettiruvchi va bolalarni kitob o‘qishga qiziqtiruvchi o‘quv-metodik jihozlar, odob-axloqqa o‘rgatuvchi o‘yinlar va o‘yinchoqlar, badiiy adabiyotlar bilan ta’minlangan. Yozgi ayvoncha, yozgi basseyn va zamonaviy o‘yin maydonchalari bolajonlar ixtiyorida. Malakali pedagog xodimlar ta’lim-tarbiya ishlarini o‘zbek, rus va tillarida olib boradi.
Mehmonlar bog‘chada ta’lim-tarbiya berish uchun yaratilgan sharoitlar bilan yaqindan tanishib chiqdi.
Izoh (0)