Бугун,

  • USD 10940.05
  • RUB 182.26
  • EUR 11121.65

Бугун, 30 август санасида Индонезиянинг Жакарта ҳамда Палембанг шаҳарларида XVIII ёзги Осиё ўйинлари давом этмоқда.

Фото: Маъруфжон Асқаров

Фото: Маъруфжон Асқаров

Ўзбек миллий кураши бўйича ўтказилаётган баҳслар ҳам қизғин палласига кириб бормоқда. Жумладан, бугун яна 4 нафар ўзбекистонлик курашчи баҳсларга киришди.

-78 кг вазнда гиламга чиққан Дилроза Бозорова қозоғистонлик Гулибону Аманхоновага қарши баҳсда мағлуб бўлди.

Мазкур вазн тоифасидаги ўзбекистонлик яна бир курашчи Кумуш Йўлдошева эса ярим финалга чиқди. У чорак финалда қозоғистонлик Калжан Тайжановадан устун келди. Кумуш энди финал йўлланмаси учун Хитой Тайпейидан бўлган Янг Хсиэенсзуга қарши кураш олиб боради.

-90 кг вазн тоифасида гиламга чиқаётган Яҳё Имомов финал йўлланмаси учун қозоғистонлик Ерсултон Музаппаровга қарши курашади. У чорак финалда туркманистонлик Гуванч Бегалиевни мағлуб этди.

Шу вазндаги яна бир Ўзбеистон вакили Шермуҳаммад Жандриев ҳам ярим финалга чиқди. У чорак финалда афғонистонлик Ширзад Азизийдан устун келди. Энди Шермуҳаммад финал йўлланмаси учун иорданиялик Ҳусайн Мисрийга қарши гиламга чиқади.

 

Изоҳ
Асосий янгиликлар