Тошкентда байрам мушакбозлигини томоша қилишни истаганлар учун бепул автобуслар ишлайди

Тошкент шаҳар ҳокимияти бепул автобуслар қатновини йўлга қўяди. Улар байрам мушакбозлигини томоша қилишни истаганларни Халқлар дўстлиги майдонига элтади, деб хабар беради «Podrobno.uz».

Автобуслар ҳаракати қўйидаги йўналишларда ташкил этилади:

Бобур кўчаси бўйлаб Шота Руставели кўчасидан Шаршара кўчасигача;

И. Каримов кўчаси бўйлаб Олмазор кўчасидан Фурқат кўчасигача;

Қоратош кўчаси бўйлаб Самарқанд Дарвоза кўчасидан Бунёдкор кўчасигача;

Фурқат кўчаси бўйлаб Новий кўчасидан И. Каримов кўчасигача.

Мушакбозлик 11 та боғда ташкил этилади: «Анхор-Локомотив», Ғафур Ғулом, Абдулла Қодирий, Мирзо Улуғбек, Фурқат номидаги, «Ашхобод», «Қуёшча нури», «Боғишамол», «Дўстлик», «Грин парк» боғлари, ҳайвонот боғи, шунингдек, Mega Planet савдо маркази ҳамда Республика байналмилал маркази олдида. Шу ҳудудларда 1–4 сентябрь кунлари халқ сайиллари ўтказилади.

Бепул автобуслар ҳаракатланадиган тураргоҳлар қуйидаги йўналишларда ташкил этилади:

Олмазор кўчаси бўйлаб Навойи кўчасидан И. Каримов кўчасигача;

И. Каримов кўчаси бўйлаб Олмазор кўчасидан Бешёғоч кўчасигача;

Қоратош кўчаси бўйлаб Самарқанд Дарвоза кўчасидан Бунёдкор кўчасигача;

Братислава кўчаси бўйлаб Шота Руставели кўчасидан Бобур кўчасигача;

Бобур кўчаси бўйлаб Шота Руставели кўчасидан Фурқат кўчасигача;

Байналминал кўчаси бўйлаб Оқтепа майдонидан Бунёдкор кўчасигача.