28 август куни Самарқанд шаҳридаги «Мўъжиза» амфитеатрида Ўзбекистон Республикаси мустақиллигининг йигирма етти йиллигига бағишланган байрам тантаналари бўлиб ўтди. Бу ҳақида «Дарё» мухбири Фарҳод Норбўтаев хабар бермоқда.
Тантанали байрам тадбирида Самарқанд вилояти ҳокими вазифасини бажарувчи Эркинжон Турдимов сўзга чиқиб, тадбир иштирокчилари ва бутун вилоят аҳлини Мустақиллик куни билан табриклади.
Хусусан, 2019—2022 йилларга мўлжалланган Самарқанд шаҳрини ижтимоий-иқтисодий ривожантириш дастурини ишлаб чиқиш бўйича Ўзбекистон Президенти Шавкат Мирзиёев берган топшириқлари асосида бугунги кунда UNESCО ташкилоти билан келишилган ҳолда хитойлик меъморлар билан шаҳарни замонавий қиёфага аянтириш бўйича кенг кўламли ишлар олиб борилаётганлигини таъкидлаб ўтди. Янги дастур асосида Самарқанд шаҳри ҳақиқий шарқ дурдонасига айлантириш кўзда тутилганлигини билдириб ўтди.
Вилоят ҳокими ўтган давр мобайнида Самарқандда эришилган юксак ривожланишлар хусусида ҳам тўхталиб ўтди. Биргина жорий йилнинг ўзида давлат инвестиция дастури бўйича 22 та тиббиёт, 8 та мактабгача таълим муассасалари, 101 та мактаб, болалар мусиқа ва санъат мактаби, спорт мактаби, ёпиқ сув ҳавзаси қурилиб, фойдаланишга топширилган. Шунингдек, 33 километр халқаро ва давлат аҳамиятидаги йўллар реконструкция ишлари олиб борилмоқда. 183 километр хўжаликлараро ва қишлоқ аҳоли пунктлари йўллари жорий таъмирланмоқда.
Аҳолини ичимлик суви билан таъминлаш мақсадида 18 та тоза ичимлик сув объекти бунёд этилди. Бунинг учун тегишли Дастурлар асосида 34,5 миллиард сўм маблағ ажратилди.
Мусулмон оламида буюк муҳаддис сифатида эътироф этиладиган улуғ аллома Имом Бухорий ёдгорлик мажмуасининг миллий ва замонавий архитектура талаблари асосида реконструкцияси олиб борилаётгани бу масканнинг яна ҳам обод бўлиши ҳамда зиёратчилар учун ҳар томонлама қулай шароит яратилишига хизмат қилади. Президент ташаббуси билан бу ерда умумий қиймати 116 миллиард сўмни ташкил этадиган Имом Бухорий халқаро илмий-тадқиқот маркази қурилиш ишлари якунига етмоқда.
Булардан ташқари, жорий йилда вилоятни ижтимоий-иқтисодий ривожлан-тириш дастурига асосан умумий қиймати 4 трилион 604 миллиард сўмга тенг жами 1294 та лойиҳа амалга оширилмоқда.
«Бундай истиқболли лойиҳалар ва янгидан барпо этилаётган иншоотлар инсон омилини улуғлаш, халқимизнинг янада фаровон ҳаёт кечиришига қаратилаётган юксак эътиборнинг амалий ифодасидир, - дея таъкидлаб ўтди Эркинжон Турдимов.
Вилоят ҳокими ўз сўзи давомида Самарқандд амалга оширилаётган ижтимоий-иқтисодий ислоҳотлар, қурилиш-бунёдкорлик ишлари ҳақида сўз юритиб, барча саъй-ҳаракатлар халқ фаровонлигини ошириш, шаҳар ва қишлоқларини обод қилишга қаратилганини таъкидлади.
Байрам дастурида самарқандлик ва пойтахтдан келган санъаткорлар, бадиий жамоаларнинг концерти намойиш этилди.
Изоҳ (0)