Бухоро шаҳар ИИБга Газли шоҳ кўчасида яшовчи 1964 йилда туғилган М.А ариза орқали мурожаат қилди, деб хабар беради вилоят ИИБ матбуот хизмати.
Фуқаро ўз аризасида номаълум шахс унинг яшаш уйига ҳеч ким йўқлигидан фойдаланиб ғайриқонуний равишда кириб, меҳмонхонасидаги шкаф ичидан жами баҳоси 1 500 000 сўмлик тилла тақинчоқларини яширин равишда ўғрилаб кетганлигини билдирган.
Олиб борилган суриштирув ҳаракатлари давомида ушбу жиноятни Газлишоҳ кўчаси 13-уй, 1-хонада яшовчи 1985 йилда туғилган Р.О содир қилганлиги аниқланди.
Ушбу ҳолат юзасидан фуқаро Р. О.га нисбатан Ўзбекистон Республикаси Жиноят Кодексининг 169-моддаси (ўғрилик) 2-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)