LG Electronics’нинг (LG) энг сўнгги ва илғор симсиз гарнитуралари IFA 2018 кўргазмасида тақдим этилади, улардан асосийсига ташқи динамикли Google Assistent ва LG TONE Ultra SE (HBS-835Sмодели) овозли ёрдамчини фаоллаштириш махсус тугмачасига эга LG TONE Platinum SE (HBS-1120 модели) айланади.
LG TONE Platinum SE TONE сериясидаги дастлабки кўчма қурилма бўлиб, унда таржимон ва Google Assistent функцияси реал вақт режимида тугмачани босиш орқали қўлланилади. Фойдаланувчилар Google Assistent’ни «Окей, Google» иборасини ишлатмасдан фаоллаштириши, шу тариқа, сунъий идрокнинг интерфаол имкониятларига тезкор кириш имкониятига эга бўлишлари мумкин. Ушбу функциянинг асосий афзалликлари «Google Таржимон» сервисига мурожаат қилинганида аниқ кўринади. Хизматни фаоллаштириш учун махсус иборани («Окей, Google») доимо гапиришга ҳожат йўқ, бу бошқа тилда мулоқотни осонлаштиради, таржимани тезроқ амалга оширади ва алоқа жараёни табиий кўриниш ҳосил қилади.
LG муҳандислари янгиликка мувозанатли акор ва динамикли тарқатгич қўшиб, одатда профессионал мусиқачилар учун мўлжалланган қулоқчинларда ишлатиладиган уйғунликни келтириб чиқаришди. Мувозанатли якор соф юқори частотали товуш беради, динамик тарқатгичлар эса кучли басни таъминлайди. LG’дан энг янги аудио-гарнитуралар қора, кўк ва тилла рангларда мавжуд.
Яна бир янги қурилма, LG TONE Ultra SE, ташқи монодинамик билан жиҳозланган. Унинг ёрдамида, фойдаланувчилар атроф-муҳитга этибор қаратиш зарур бўлган ҳолатларда фон товушларни йўқотмай қўнғироқларни амалга оширишлари ва мусиқа тинглашлари мумкин. LG TONE Platinum SE’да бўлгани каби, LG TONE Ultra SE’да ҳам иккита МEMS-микрофон қўлланилади, у қўнғироқлар пайтида жуда аниқ товушни беради, шунингдек, Tone & Talk мобил иловани қўллаб-қувватлайди.
«LG ақлли сервисларни мувафақиятли ТONE сериясига интеграциялаштириб, олиб юрилувчи аудиоқурилмалар сегментига янги парадигма киритади, ҳамда биз энг долзарб моделларни инновацион ривожлантириш устида ишни давом эттирамиз, - дея маълум қилди LG Companion Device Business Division бўлинмаси раҳбари Ким Те-гюн (Ким Таэ-гюн). — Бизнинг мақсад — бутун дунёдаги фойдаланувчиларга янги ажойиб қулоқчинларни тақдим этишдир».
31 августдан 5 сентябрига қадар Messe Berlin кўргазма марказининг 18-ҳоллидаги залидаги IFA кўргазмасида LG стендига ташриф буюрувчилар ТONE сериясидан қулоқчинлар билан яқиндан танишиш имкониятига эга бўладилар. Қўшимча маълумот, жумладан, нархлар ва сотув географияси ҳар бир мамлакат бўйича алоҳида-алоҳида берилади.
Реклама ҳуқуқи асосида
Изоҳ (0)