Америкалик актриса Скарлетт Йоханссон Forbes журнали томонидан тузилган 2018 йилнинг энг кўп даромад олган актрисалари рейтингида етакчилик қилди.
12 ой ичида 33 ёшли актриса 40,5 миллион доллар ишлаб топган. Унинг даромадлари 2019 йилда экранларга чиқадиган «Қасоскорлар 4» фильмидаги иштирокидан сўнг тўрт баробар ошган.
Иккинчи ўринни 2020 йилда премьера қилинадиган «Малифисента 2» фильмидаги роли учун 28 миллион доллар ишлаб топган Анжелина Жоли эгаллади. Етакчилар учлигига Женнифер Энистон 19,5 миллион доллар даромад билан якун ясади.
Рейтингнинг юқори ўнлигига Женнифер Лоуренс, Риз Уизерспун, Кейт Бланшетт, Галь Гадот, Жулия Робертс, Мила Кунис ва Мелисса Маккартни ҳам кирди. Умумий ҳисобда 10 нафар энг кўп даромад олувчи актрисалар 186 миллион доллар (солиқлар чиқарилиб ташланишидан олдинги миқдор) ишлаб олган, бу ўтган йилги кўрсаткичдан 16 фоизга кўп демакдир.
Изоҳ (0)