15 август куни соат 07:30 ларда Булунғур туманидаги 1-сонли АЁҚШ оператори хонасига кириш эшиги зинаси олдидан Булунғур шаҳридаги автомашиналарни ювиш шохобчасида ишчи бўлиб ишлаган 1994 йилда туғилган И.А.нинг жасади қотиллик аломатлари билан топилган. Бу ҳақда «Дарё» мухбири Фарҳод Норбўтаев вилоят ИИБ маълумотига таяниб хабар берди.
Олиб борилган тезкор ишлар натижасида Булунғур тумани ИИБ ҳузуридаги ТБ, ЖҚБ ва туман прокуратураси ходимлари томонидан аниқланишича, 15 август куни соат 02:00 ларда И.А.нинг иш жойи бўлган автомашиналар ювиш шохобчасига 1995 йилда туғилган Қ.О. келиб, марҳум билан ўзаро жанжаллашиб, пичоқ билан И.А.нинг чап кўкрак соҳасига, чап томон тўш соҳасига, ўнг ва чап қўл билак юқори учлигига, чап қўл билак ўрта учлигига ва чап қўл кафтига санчилиб кесилган жароҳатлар етказган. Олган тан жароҳатлари оқибатида И.А. вафот этган.
Ҳолат юзасидан Қ.О.га нисбатан ЖКнинг 97-моддаси 1-қисми билан жиноят иши қўзғатилган.
Изоҳ (0)