Ўзбекистондаги барча 5240 та мактабгача таълим муассасаси тўлиқ хатловдан ўтказилди. Уларнинг аксарияти таъмирталаб аҳволда эканлиги, моддий-техника базаси янгиланмагани аниқланди. Бу ҳақда Бош прокуратура ҳузуридаги Ахборот-таҳлил мультимедиа маркази маълум қилди, дея хабар беради «Халқ сўзи».
«Қиладиган ишларимиз жуда ҳам кўп. Албатта, мавжуд муаммоларни қисқа муддатда бажариш қийин. Шу боис, мавжуд камчиликларни бартараф этиш мақсадида 2021 йилгача махсус дастур қабул қилинди. Бунда, биринчи навбатда, таъмирлаш-қуриш ишларини энг чекка ҳудуддаги аҳволи оғир MTMлардан бошлаш режалаштирилган», — дейди Мактабгача таълим вазирлиги бошқарма бошлиғи Абдуғулом Ҳакимов.
Маълумотларга кўра, республикада амалга оширилаётган «Обод қишлоқ» дастури доирасида 264 та, «Обод маҳалла» дастури доирасида эса 105 та мактабгача таълим муассасаси тўлиқ таъмирланмоқда.
Жорий йилда жами 736 та мактабгача таълим муассасаси моддий-техника базасини мустаҳкамлаш кўзда тутилган.
Изоҳ (0)