Ўзбекистон Соғлиқни сақлаш вазирлиги асосий дори воситалари рўйхатини 2,5 баробарга кенгайтирди

Ўзбекистон Соғлиқни сақлаш вазирлиги асосий дори воситаларининг янгиланган рўйхатини тасдиқлади. Бу ҳақда Norma хабар бермоқда, деб ёзади «Газета.uz».

Эски рўйхат 328 та позициядан иборат эди. Янгисидан эса 820 та позиция ўрин олган, шу тариқа рўйхат роппа-роса 2,5 марта кенгайтирилган.

Бундан ташқари, дори воситалари 3 турга бўлинган:

• умумий асосий дори воситалари;
• вояга етмаганлар учун мўлжалланган асосий дори воситалари;
• доривор ўсимликлар сақловчи дори воситалари.

Асосий дори воситалари ва тиббий буюмлар рўйхати, жумладан, дори воситаларига сарфланган харажатларнинг ўрнини қоплаш схемаларини ишлаб чиқиш, асосий дори воситаларини миллий фармацевтик корхоналар томонидан ишлаб чиқаришни жадаллаштириш, асосий дори воситалари ва нархлар боғлиқлиги бўйича мониторинг олиб бориш ҳамда мурувват ва бошқа турдаги ёрдам кўрсатиш учун тузилган дори воситалари рўйхати тўғрилигини баҳолаш учун ишлатилади.

Norma’нинг эслатишича, «Дори воситалари ва фармацевтика фаолияти тўғрисида»ги қонуннинг 4-моддасига мувофиқ, давлат асосий дори воситалари, шунингдек, тиббий буюмлар олиниши имкониятини ва уларнинг сифатини кафолатлайди