Бу йил тарихда илк бор Ўзбекистон олийгоҳларига кириш тест имтиҳонларинининг боришини 1 августдан 15 августга қадар жонли эфирда, тўғридан-тўғри кузатиб бориш мумкин.
Қайд этиш жоиз, 1 августнинг биринчи ярмида тест жараёнларини кузатиб бориш имконини берувчи «Test2018.uz» сайти фойдаланувчилари Самарқанддаги имтиҳон биноларидан тасвир узатилмаётгани, Нукусда эса камералар имтиҳон олинадиган жойга эмас, балки кириш жойига ўрнатиб қўйилганини ижтимоий тармоқларда ёзиб қолдирган эди.
Кейинчалик, кун давомида ушбу камчиликлар бартараф этилган. Ўзбекистон бош вазири ўринбосари Азиз Абдуҳакимовнинг «Газета.uz»га маълум қилишича, интернет тармоғида аниқланган ва маълум қилинган ҳолатлар юзасидан ҳуқуқни муҳофаза қилиш органлари иш олиб бормоқда.
Изоҳ (0)