Бугун,

  • USD 11095.31
  • RUB 173.84
  • EUR 10772.44

Самарқанд вилоят ҳокимлиги вояга етмаганлар билан ишлаш комиссияси, Ички ишлар бошқармаси ва қатор ҳамкор ташкилотлар билан ҳамкорликда «Ёшлар тарбияси­ — порлоқ келажак меваси» мавзусидаги маънавий-маърифий тадбир бўлиб ўтди. Бу ҳақида «Дарё» мухбири Фарҳод Норбўтаев хабар бермоқда.

Фото: «Дарё»

Фото: «Дарё»

Самарқанд вилоят Ички ишлар бошқармаси матбуот хизмати берган маълумотга кўра, жорий йилнинг ўтган даврида 536 нафар вояга етмаганлар турли кўринишдаги жиноят ва ҳуқуқбузарликларни содир этганлиги учун профилактик ҳисобга олинган. Уларни тўғри йўлга, соғлом муҳитга қайтариш мақсадида мунтазам равишда профилактик тарғибот тадбирлари ўтказиб борилмоқда.

Фото: «Дарё»

Фото: «Дарё»

Жорий йилнинг 24—26 июль кунлари Ички ишлар органларида профилактик ҳисобда турган вояга етмаганлар, кам таъминланган ҳамда нотинч оилаларнинг 360 нафар фарзандлари учун Самарқанд шаҳрининг тарихий обидалари, табаррук қадамжолари, музей ва маданият масканлари бўйлаб саёҳат уюштирилди.

Вилоят «Баркамол авлод» марказида «Менинг оилам», «Ким бўлсам экан!», «Биз ёшлар жиноятчиликка қаршимиз!» каби мавзулардаги расмлар танлови ўтказилди. Мазкур танлов болаларнинг ақлий ва руҳий қобилиятини, улар онггида кечаётган руҳий жараёнларни аниқлашда муҳим ўрин тутди. Ҳар бир боланинг чизган расми, ҳатти-ҳаракати малакали руҳшунослар томонидан кузатиб борилди, якунда икки нафар болада руҳий ўзгариш, яъни суицидга мойиллик борлиги аниқланди ва зудлик билан мутахассислар томонидан уларнинг оилавий аҳволи ўрганилиб, зарур чоралар кўрилди.

Фото: «Дарё»

Фото: «Дарё»

Тадбирлар якунида намунали хулқи, одоби билан бошқалардан ажралиб турган, турли танловларда фаол иштирок этган 93 нафар ўқувчиларга ташкилотчилар томонидан фахрий ёрлиқлар топширилди. Фахрий ёрлиқ соҳиби бўлган болалар Ўзбекистон Ёшлар иттифоқи кафиллиги остида ички ишлар органларидан профилактик ҳисобдан чиқарилди.

Изоҳ
Асосий янгиликлар
Маҳаллий
Андижондаги заправкада навбатсиз киришга уринган ҳайдовчи бир неча ИИБ ходимлари томонидан ушланди (видео)
Иқтисодиёт
Ўзбекистонда нархларнинг ўсиши суръати январь ойида пасая бошлади
Маҳаллий
Тошкентда 12 ёшли қизнинг мурдаси зўрлик ва қотиллик аломатлари билан топилди