21 июль куни эрталаб АҚШда 31 ёшли Жаклин Соуза фавқулодда хизматга қўнғироқ қилиб, пичоқ билан яраланган қаллиғига ёрдам кераклигини айтган. Бу ҳақда «Cosmo.ru»га таяниб, «Zakon.kz» хабар бермоқда.
Воқеа жойига етиб келган шифокорлар ва полициячилар 33 ёшли Брендон Уоткинсни ҳушсиз ҳолатда топган. Унинг ёнида стейк кесиш учун мўлжалланган пичоқ топилган.
Жаклин Соуза воқеа содир бўлган пайтда ванна қабул қилаётгани ва ҳеч нимани эшитмаганини, сўнг эса уйга кириш эшигининг очиқ ҳолда қолдирилгани ва қаллиғининг ҳушсиз ётганини кўрганини айтган. Бироқ полиция уйга бостириб кириш билан боғлиқ ҳеч қандай далил топмаган. Соуза қаллиғи билан тўйга таклиф қилинадиган меҳмонлар рўйхатини тузиш борасида жанжаллашиб қолгани, эҳтимол у шундан кейин ўз жонига қасд қилишга қарор қилган бўлиши мумкинлигини айтган.
Кейинроқ Жаклин ўз айбига иқрор бўлган. Маълум бўлишича, қаллиғи унга кўплаб аёллар билан хиёнат қилган ва улардан бирини тўйга таклиф қилмоқчи бўлган. Жуфтлик шундан кейин жанжаллашиб қолган ва Жаклин қаллиғини пичоқлаб қўйган. У Брендоннинг ўлимини истамаганини, ҳатто унга биринчи тиббий ёрдам кўрсатишга уринганини айтган.
Жаклин 24 июль куни 50 минг доллар гаров эвазига қўйиб юборилган. Иш бўйича суднинг биринчи мажлиси 1 август куни бўлиб ўтади.
Изоҳ (0)