«Ўзбекистон ҳаво йўллари» Миллий авиакомпанияси «Урганч» аэропорти вақтинча ёпилгани муносабати билан 17 июль куни Тошкент—Урганч—Тошкент йўналиши бўйича авиақатновларга ўзгартишлар киритилгани ҳақида хабар қилди, деб ёзмоқда «Газета.uz».
17 июлдаги қатновлар жадвали:
- HY051 рейси: Урганч ўрнига Нукусга 08:30 да учади. Нукусга қўниш — 10:15 да.
- HY052 рейси: Урганч ўрнига Нукусдан 11:10 да учади. Тошкентга қўниш — 12:45 да.
- HY057 рейси: Урганч ўрнига Нукусга 16:40 да учади. Нукусга қўниш — 18:45 да.
- HY058 рейси: Урганч ўрнига Нукусдан 19:05 да учади. Бухрога қўниш — 20:25 да. Бухородан учиш — 21:05 да, Тошкентга қўниш — 22:10 да.
Урганчга учувчилар учун Нукусдан Урганч аэропортигача автобус қатнови йўлга қўйилади.
Урганчдан учувчи йўловчиларга Нукус аэропортига автобусда ўз вақтида етиб бориш учун Урганч аэропортига парвозга энг камида 4 соат қолганда келиш сўралмоқда.
Рейслар жадвалига ўзгартишлар киритилиши мумкин. Компания йўловчилардан расмий сайт ва Telegram-канал орқали янгиликларни кузатиб боришни сўрамоқда. Маълумотлар учун телефон: (+99871) 140−02−00.
«Ўзбекистон ҳаво йўллари» йўловчилардан ноқулайлик учун узр сўраб, компания раҳбарияти «Урганч» аэропорти иш фаолиятини қайта йўлга қўйиш учун барча имкониятларни сафарбар этишини маълум қилди.
Изоҳ (0)