2017 йилда ишлаб чиқарилган ялпи ички маҳсулот (ЯИМ) ҳажми бўйича Ўзбекистон рейтингда 15 поғона пастлади ва 85-ўринни эгаллади. Бу ҳақда Бутунжаҳон банки маълумотларига таяниб, Spot хабар берди.
Бир йил ичида мамлакатда ишлаб чиқариладиган ялпи ички маҳсулотнинг умумий қиймати 18 миллиард долларга (67,2 миллиард доллардан 48,7 миллиард долларга) камайган.
Ўзбекистон эришган кўрсаткичга яқин натижа Гана (86-ўрин, 47,3 миллиард доллар) ва Словения (84-ўрин, 48,7 миллиард доллар) давлатларида қайд этилган.
Рейтингда биринчи ўринни катта фарқ билан АҚШ эгаллаган (19,3 триллион доллар). Иккинчи ўринда — Хитой (12 триллион доллар). Кейинги ўринларни Япония (4,8 миллиард доллар), Германия (3,6 триллион доллар) ва Буюк Британия (2,6 триллион) эгаллаган.
Рейтингнинг дастлабки 10 та ўринининг белгиланишида бор-йўғи 2 та сезиларли ўзгариш юз берган: Ҳиндистон Францияни ортда қолдириб, 6-ўринни эгаллаган. Бразилия Италияни ортда қолдирган ва 8-ўринга кўтарилган. Рўйхатда Россия Жанубий Кореядан ўзиб кетиб, 11-поғонани банд қилган.
Изоҳ (0)