2017-yilda ishlab chiqarilgan yalpi ichki mahsulot (YaIM) hajmi bo‘yicha O‘zbekiston reytingda 15 pog‘ona pastladi va 85-o‘rinni egalladi. Bu haqda Butunjahon banki ma’lumotlariga tayanib, Spot xabar berdi.
Bir yil ichida mamlakatda ishlab chiqariladigan yalpi ichki mahsulotning umumiy qiymati 18 milliard dollarga (67,2 milliard dollardan 48,7 milliard dollarga) kamaygan.
O‘zbekiston erishgan ko‘rsatkichga yaqin natija Gana (86-o‘rin, 47,3 milliard dollar) va Sloveniya (84-o‘rin, 48,7 milliard dollar) davlatlarida qayd etilgan.
Reytingda birinchi o‘rinni katta farq bilan AQSh egallagan (19,3 trillion dollar). Ikkinchi o‘rinda — Xitoy (12 trillion dollar). Keyingi o‘rinlarni Yaponiya (4,8 milliard dollar), Germaniya (3,6 trillion dollar) va Buyuk Britaniya (2,6 trillion) egallagan.
Reytingning dastlabki 10 ta o‘rinining belgilanishida bor-yo‘g‘i 2 ta sezilarli o‘zgarish yuz bergan: Hindiston Fransiyani ortda qoldirib, 6-o‘rinni egallagan. Braziliya Italiyani ortda qoldirgan va 8-o‘ringa ko‘tarilgan. Ro‘yxatda Rossiya Janubiy Koreyadan o‘zib ketib, 11-pog‘onani band qilgan.
Izoh (0)