Фарғонада Президент фармонига мувофиқ 21 киши Ўзбекистон Республикаси фуқаролигига қабул қилинди. Уларга фуқаролик паспортларини Фарғона вилояти ҳокими Шуҳрат Ғаниев тантанали равишда топширди. Бу ҳақда «Дарё» мухбири Азизжон Эрматов хабар бермоқда.
«Ўзбекистон Республикаси фуқаролиги тўғрисида»ги қонунга асосан вилоятнинг Фарғона, Тошлоқ, Қува ва Ўзбекистон туманларида яшовчи 21 нафар фуқаролиги йўқ шахсларнинг аризалари қаноатлантирилди ҳамда улар мамлакат фуқаролигига қабул қилинди.
«Қирғизистоннинг Ўш вилоятида туғилганман. Фарғона давлат университетини битириб, 7-умумтаълим мактабида рус тили фанидан дарс бераман. Шу юртда яшаб, шу ерда турмушга чиқиб, Ўзбекистон фуқароси эмас эдим. Бугун узоқ йиллик орзум ушалиб, Ўзбекистоннинг тенг ҳуқуқли фуқароси бўлдим,» – дейди Зебо Хўжамқулова.
Изоҳ (0)