2018 йилнинг биринчи ярим йиллигида Ўзбекистонга келган туристлар сони ўтган йилнинг шу даврига нисбатан қарийб икки бараварга ошди. Бу ҳақда Туризмни ривожлантириш қўмитаси матбуот хизмати маълум қилди.
Жорий йилнинг олти ойида Ўзбекистонга 2 688 962 нафар хорижлик сайёҳлар келган (91, 6 фоиз ўсиш).
Ўзбекистон визасиз режим тартибини жорий этган давлатлардан туристлар келиши ошган. Масалан, Туркиядан 31 966 нафар турист келган бўлиб, бу 2017 йилги кўрсаткичга нисбатан 95,6 фоизга кўп.
Шунингдек, Япония (6200 киши, 68,1 фоиз), Исроил (3615 киши, 86,2 фоиз), Индонезия (750 киши, уч баравардан кўпроқ), Сингапур (424 киши, 2,5 баравардан кўпроқ) дан сайёҳлар оқими ўсган.
Қайд этиш жоизки, июнь ойида жорий йил май ойига қадар бироз пасайиш кузатилган Жанубий Корея (57,5 фоиз) ва Малайзиядан (2,6 баравар) туристлар оқими ҳам кўпайди.
Изоҳ (0)