Бугун,

  • USD 11095.31
  • RUB 173.84
  • EUR 10772.44

2 июль санасида футбол бўйича Россия яшил майдонларида бўлиб ўтаётган Жаҳон Чемпионати нимчорак финал ўйинлари давом эттирилди.

Фото: ФИФА

Фото: ФИФА

Куннинг дастлабки ўйинида Бразилия Мексикани мағлуб этиб, чорак финалга йўл олди.

Ҳозиргина куннинг иккинчи ўйини «G» гуруҳида Англияни ҳам мағлуб этиб, 100 фоизлик натижа билан нимчорак финалга чиққан Бельгия ҳамда «H» гуруҳидан иккинчи ўрин билан плей-офф йўлланмасини қўлга киритган Япония терма жамоаси ўртасида бўлиб ўтди.

Учрашувнинг биринчи бўлимида ҳисоб очилмади. Иккинчи бўлим эса голларга бой бўлди.

48-дақиқада Генки Ҳарагучи ҳисобни очди, орадан 4 дақиқа ўтиб Такашу Инуи Япониянинг 2:0 ҳисобида олдинга чиқиб олишини таъминланди. Аммо японларнинг хурсандчилиги узоққа чўзилмади 69-дақиқа Эйжи Кавашиманинг хатоси сабаб, Ян Вертонген осонлик билан дарвозани ишғол қилди. 74-дақиқада эса ўйинга бироз олдин захирадан майдонга тушган Маруан Феллаини ҳисобни тенглаштиришга эришди. Ўйинга қўшиб берилган дақиқаларда Япония қарши ҳужумни ўтказиб юборди. Бельгияни чорак финалга олиб чиққан голга ҳам захирадан майдонга тушган Носир Шодли муаллифлик қилди.

Шу тариқа драматик кечган баҳсда Бельгия Японияни 3:2 ҳисобида мағлуб этиб, ¼ финалга чиқди. Энди Роберто Мартинес шогирдлари чорак финалга Бразилия термаси билан баҳс олиб боради.

Жаҳон Чемпионати

1/4 финал беллашувлари

2 июль, душанба

Бельгия—Япония 3:2

Голлар: 0:1—48 Ҳарагучи, 0:2—52 Инуи, 1:2—69 Вертонген, 2:2—74 Феллаини, 3:2—90+4 Шодли.

Бельгия: Куртуа, Алдервейрельд, Компани, Вертонген, Менье, де Брюйне, Вицел, Феррeйра Карраско (Шодли, 65), Мертенс (Феллайни, 65), Азар, Лукаку.

Япония: Кавасима, Сакаи, Ёсида, Седзи, Нагатомо, Ҳасебе, Сибасаки (Ямагути, 81), Ҳарагути (Ҳондa, 81), Кагава, Инуи, Осако.

Огоҳлантириш: Сибасаки (40).

Изоҳ
Асосий янгиликлар
Маҳаллий
Ҳуқуқ фаоли Нукус воқеаларида гумонланаётганлар қийноққа солинмаганини айтмоқда
Дунё
«Дарё» кундалигида 30 ноябрда содир бўлган энг муҳим воқеалар
Маҳаллий
Контрабанда сигареталар кўпроқ қайси вилоятлар чегараларидан олиб ўтилмоқда? Божхоначи жавоб берди