Жиззах вилоятининг Шароф Рашидов туманида 30 июнь куни бир кишининг ўлимига сабаб бўлган ЙТҲ содир бўлди. Бу ҳақда ИИВ жамоатчилик ва ОАВ билан алоқалар бошқармаси хабар бермоқда.
Пахтакор туманида яшовчи Д.У. Nexia русумли машинасини туман ҳудудидан ўтувчи «Жиззах—Пахтакор—Гагарин» автомобиль йўлининг 30-километрида ҳайдаб кетаётиб, қарама-қарши йўналишда келаётган Н.П. бошқарувидаги Nexia билан тўқнашди.
Натижада Д.У. бошқарувидаги машинанинг икки нафар йўловчиси ва ҳайдовчи Н.П. жароҳат олиб, касалхонага ётқизилди. Бироқ, кўрсатилган тиббий муолажаларга қарамай Н.П. ҳаётдан кўз юмди.
Суриштирув ишлари олиб борилмоқда.
Изоҳ (0)