Хитойда яшовчи фуқаро меҳмонхонада севган қизининг қўлини сўрамоқчи бўлди ва унга атаб романтик кеча ташкиллаштирди, деб хабар беради «Nur.kz».
Йигит меҳмонхона номерида саккизта ёнаётган шамни юрак шаклида жойлаштирди. Шундан сўнг у севган қизини номерга олиб келиш учун кетди.
Севишганлар меҳмонхонага яқинлашганида бино олдида ўт ўчирувчилар турган эди. Улар ёнаётган номердаги оловни ўчириш билан овора эди.
Қайд этилишича, ёнғин шамлардан бири гиламга тушиб кетганидан сўнг бошланган. Ўхшамаган романтик тадбир натижасида меҳмонхонанинг саккизта номерига зарар етгани айтилмоқда.
Ўт ўчирувчилар ёнғинни 60 дақиқа ичида ўчирган. Ёнғин оқибатида ҳеч ким жабрланмаган. Эндиликда хитойлик йигит меҳмонхонага зарарни қоплаш учун 38 минг доллар тўлаши керак.
Изоҳ (0)