Amazon омборхоналарда фойдаланиладиган учувчисиз аппарат учун патент олди, деб ёзмоқда Hi-Tech Mail.Ru.
Дронга хавфсизлик ёстиғи ўрнатилган. Қурилманинг юк кўтариш, бир ердан иккинчи ерга кўчириш ва саралаш учун мўлжалланган махсус чангаллари бор. Аппарат ташқи кўринишидан медузани эслатади.
Amazon дронга патент олиш учун 3 йил илгари ариза топширган. Айни вақтда компания эришилган натижалар ва дрон чизмаларини эълон қилди.
Парраклари ёрдамида дрон ҳаракат йўналишини ўзгартира олади. Аппаратнинг осон бошқариладиган тизими орқали ҳеч қандай ишчи кучини жалб қилмаган ҳолда юкни бир нуқтадан олиш, ташиш ва янги жойга қўйиш мумкин.
Дрон токчаларга урилиб кетса ёки қулаб тушса, унинг хавфсизлик ёстиғи юк ва дроннинг ўзига зарар етмаслигини таъминлайди. Муҳими — дрон ходимлар кириши қийин бўлган ерларга осонликча етиб боради. Замонавий омборхоналар кўп қаватли қилиб қурилган, уларнинг энг юқори қаватларига одамлар лифтлар ёрдамида чиқади. Бундан ташқари, айлана шаклидаги дронлар бирлашиб, иш самарадорлигини оширади. Шунингдек, дрон ўзи кўчирган буюмларнинг жойини эслаб қолади ва уларни эски жойига қайтариш керак бўлганда бу ишни тез бажара олади.
Патент ҳужжатида айтилишича, ноодатий қурилма ходимлар юриши қийин бўлган ерларда қўл келади. Дронлар бинолар майдонидан самаралироқ фойдаланиш, ходимлар жароҳатланишининг олдини олиш ва жўнатмалар билан ишлашни тезлаштириш имконини беради.
Изоҳ (0)