Олий ҳарбий божхона институтига ўқишга қабул қилиш тартиби тўғрисидаги низомга ўзгартириш киритилди, деб хабар беради ЎзА.
Олий ҳарбий божхона институтига ўқишга қабул қилиш тартиби тўғрисидаги низомнинг 3-банди олтинчи хатбошисига ўзгартириш Адлия вазирлигида давлат рўйхатидан ўтказилди.
Киритилган ўзгартиришга кўра, Олий ҳарбий божхона институтига ўқишга қабул қилишда номзодларнинг бўйи 165 сантиметрдан (қиз болалар учун 160 сантиметр) паст бўлмаслиги белгиланди.
Илгари амал қилган тартибга кўра номзодларнинг бўйи 170 сантиметр (қиз болалар учун 165 сантиметр)дан кам бўлмаслиги лозим эди.
Изоҳ (0)