Аввал хабар берганимиздек, халқ депутатлари Фарғона вилоят кенгашининг навбатдан ташқари сессияси бўлиб ўтди.
Бош вазир Абдулла Арипов ҳамда Президентнинг давлат маслаҳатчиси Умар Исмоилов иштирок этган сессияда давлат раҳбарининг жорий йил 12—13 июнь кунлари Фарғонага ташрифи давомида белгилаб берган вазифалар, вилоят фаоллари билан ўтказилган йиғилишдаги топшириқлар, ташкилий ҳамда бошқа масалалар кўриб чиқилди.
Сессияда Акмалхон Ортиқов вилоят ҳокимининг иқтисодиёт ва тадбиркорлик масалалари бўйича биринчи ўринбосари, Шуҳрат Тешаев эса қишлоқ ва сув хўжалиги масалалари бўйича ўринбосари этиб тайинланганлиги маъқулланди.
Йиғилишда вилоят ҳокимининг янги тайинланган ўринбосарлари мамлакат раҳбари эътиборига тушган, юқори билим ва касбий тажрибага эга, меҳнат фаолияти давомида самарали ишлаган энг яхши кадрлардан эканлиги таъкидлаб ўтилди.
Маълумот учун, Акмалхон Ортиқов Иқтисодиёт вазирининг ўринбосари лавозимида ишлаб келаётганди. Шуҳрат Тешаев эса муқаддам қишлоқ ва сув хўжалиги вазири бўлган.
Изоҳ (0)