1970 йилда Бухоро вилоятининг Шофиркон туманида туғилган Нурали Шукуров 2001 йилда жиноят ишлари бўйича Тошкент шаҳар Миробод туман суди ҳукмига асосан 16 йил муддатга озодликдан маҳрум қилиниб, 2017- йилнинг август ойида жазони тўлиқ ўтаб чиққанидан сўнг туғилиб ўсган қишлоғига қайтганди. Бу ҳақда UzNews хабар бермоқда.
Умрининг 16 йилини қамоқда ўтказган Нурали Шукуров тегишли хулоса чиқариш ўрнига яна жиноят кўчасига кирди. 2018 йилнинг 19 февраль куни тумандаги Шибирғон қишлоғида тоғаси Жаббор Сиддиқов билан спиртли ичимлик истеъмол қилиб, ўрталарида келишмовчилик юзага келади. Нурали тоғасини аввал орқасидан 2 маротаба болта билан, сўнгра ёнида бўлган ошхона пичоғи билан қорин қисмига уради.
Кўрсатилган тиббий муолажалар натижасида Жаббор Сиддиқовнинг ҳаёти сақлаб қолинди. Нурали Шукуров шу куннинг ўзида қўлга олиниб, унга нисбатан жиноят иши қўзғатилди ҳамда эҳтиёт чораси сифатида қамоққа олинди.
Бухоро вилояти ИИБ матбуот хизматининг хабар беришича, жиноят ишлари бўйича Шофиркон туман суди раиси Ж.Жуманиёзов раислигида ўтказилган суд мажлисида Нурали Шукуров Жиноят Кодексининг 104-моддаси 2-қисми «е» банди билан айбли деб топилиб, унга 5 йил озодликдан маҳрум қилиш жазоси тайинланди.
Изоҳ (0)