Дизель билан боғлиқ можаролар доирасида Мюнхен прокуратураси Audi автомобиль концерни раҳбари Руперт Штадлерга нисабатан тергов бошлади. Прокуратура вакили томонидан маълум қилинишича, Штадлер ишда 30 майдан буён айбланувчи сифатида иштирок этмоқда, деб ёзади «Корреспондент.net».
Бундан ташқари, Audi бошқарувининг исми маълум қилинмаган аъзоси уйида ҳам тинтув ўтказилган. Штадлер билан боғлиқ вазият каби бу ерда ҳам гап фирибгарлик ҳақида кетмоқда.
Терговга кўра, ишнинг иккала иштирокчиси ҳам Европадаги истеъмолчиларга чиқинди газлардаги зарарли моддалар ҳақидаги маълумотлари ўзгартирилган автомобиллар сотишга алоқадор бўлган.
Мюнхен прокуратураси томонидан Audi концернига нисбатан очилган иш бўйича айбланаётганлар сони 20 кишига етган. Ўтган ҳафтада Автомобиль транспорт федерал идораси 60 мингта А6 ва A7 модели расман чақириб олингани ҳақида маълум қилган.
Изоҳ (0)