«Уиком Уондерерс» ҳужумчиси, дунёнинг энг катта гавдали ва оғир вазнли футболчиси Адебаё Акинфенва «Реал Мадрид» сардори Серхио Рамосга видеомурожаат йўллади, деб ёзади «Sports.ru».
«Чемпионлар Лигаси финали ўтиб кетди, мен таътилдан қайтдим. Серхио Рамос, сен нафақат дўстим Муҳаммад Салоҳга жароҳат етказибсан, балки Кариуснинг ҳам миясини чайқалишига сабабчи бўлибсан. Қулоқ сол, ука, мен ҳеч қачон сенга қарши тўп тепмайман, чунки Чемпионлар Лигасида умуман иштирок этмайман, омадинг бор экан. Агар у ерда ўйнаганимда мана шундай бўлишини кўрардинг» — дейди Акинфенва ўзининг видео мурожаатида.
36 ёшли ҳужумчи 100 килограммдан ортиқ вазнга эга. Видео сўнггида у оёқ кийимни буклаб, кулиб юборади.
Маълумот учун аввалроқ Рамос ва унинг оиласига нотаниш рақамлардан қўнғироқ бўлиб, ўлдириш билан таҳдид қилинган эди.
Изоҳ (0)