Ҳозиргина, Ўзбекистон сафарда Уругвайга қарши ўтказган ўртоқлик учрашуви якунланди. Жанубий америкаликларга қарши илк ўйинда майдонга тушган Ўзбекистон термаси йирик ҳисобда мағлубиятга учради.
Дастлабки 25 дақиқада рақибдан қолишмасликка ҳаракат қилган ўзбекистонлик футболчилар 33-дақиқага келиб, майдон марказидаги хато сабаб гол ўтказиб юборди. Луис Суареснинг узатмасини Гиоргиан Арраскаэта чиройли тарзда Элдор Суюнов дарвозасига жойлаб қўйди. Шундан сўнг тўлиқ устунлик Уругвай термасига ўтди. Бироқ биринчи бўлим 1:0 ҳисобида якунланди.
Иккинчи бўлимнинг 53-дақиқасида Рустам Ашурматов жарима майдончаси ичида тўпни қўли билан ўйнади деб топган учрашув ҳаками Ўзбекистон дарвозасига пенальти белгилади. 11 метрлик жарима тўпини Луис Суарес аниқ амалга ошириб, ҳисобни 2:0 кўринишига келтирди. Орадан 20 дақиқа ўтиб, Мадриднинг «Атлетико» жамоаси ҳимоячиси Хосе Хименес ўйиндаги якуний ҳисобни ўрнатди — 3:0.
Ўртоқлик ўйини
8 июнь, жума
Уругвай — Ўзбекистон 3:0
Голлар: 1:0 — 33 Гиоргиан Арраскаэта, 2:0 — 53, пенальти Луис Суарес, 3:0 — 73 Хосе Хименес.
Уругвай: Фернандо Муслера, Максимилиано Перейра (Диего Лаксалт, 58), Диего Годин, Хосе Хименес, Мартин Касерес, Наитан Нандез (Кристиан Родригес, 46), Родриго Бентанкур, Матиас Весино (Лукас Торрейра, 58), Гиоргиан Де Арраскаэта (Карлос Санчес, 64), Луис Суарес (Кристиан Стуани, 84), Эдинсон Кавани (Максимилиано Гомес, 76).
Ўзбекистон: Элдорбек Суюнов, Шуҳрат Муҳаммадиев (Аббосжон Отахонов, 58), Шерзод Аъзамов, Рустам Ашурматов, Акром Комилов, Одилжон Ҳамробеков (Хуршид Ғиёсов, 73), Азизжон Ғаниев (Икром Алибоев, 73), Жавоҳир Сидиқов (Санъат Шихов, 82), Азизбек Турғунбоев (Жасурбек Яхшибоев, 58), Жалолиддин Машарипов, Забиҳилло Ўринбоев (Бобир Абдихолиқов, 46)
Огоҳлантиришлар: Жалолиддин Машарипов 10, Рустам Ашурматов 53, Матиас Весино 57.
Четлатиш: Акром Комилов 80.
Изоҳ (0)