Ўзбекистонда 30 июнь — Ёшлар куни муносабати билан сайллар ташкил этилади. Ҳозирда сайлларни ташкил этиш юзасидан махсус сценарий тайёрланмоқда. Бу ҳақда Ўзбекистон Ёшлар иттифоқи марказий кенгаши раиси Қаҳрамон Қуронбоев 5 июнь куни журналистлар билан учрашувда маълум қилди.
30 июнь куни Ўзбекистонда ёшлар куни деб эълон қилинди. Мамлакат тарихида аввал ҳеч қачон ёшлар куни нишонланмаган. Бу нима дегани? Мамлакатимиздаг барча ёшларга ўз кунини нишонлаш имконияти яратилди. Ҳозирда ушбу кунни муносиб ўтказишга тайёргарлик бошлаб юборилди.Ота-она фарзандига қараб; ‘Ўғлим сени бугунги кунинг билан табриклайман’ деса, бу жуда катта шараф. Йилда 365 кун болаларнинг байрами. Лекин ёшларнинг ўз куни бўлиши бу тарихда бўлган эмас.
30 июнь дам олиш куни эмас. Бироқ биз бу кунни шундай ўтказишимиз керакки, мамлакатда ёшлар сайллари ўтказилиши керак. Шунинг учун махсус сценарий ишлаб чиқилмоқда. Кўп одамлар ўйлайди бу нарса қийин, қилиб бўлмайди, дейди. Лекин, Худога шукур, мамлакатимизда қилиб бўлмайдиган, амалга ошириб бўлмайдиган ишни ўзи йўқ.
Қаҳрамон Қуронбоев, Ўзбекистон Ёшлар иттифоқи марказий кенгаши раиси