Европа Чемпионлар Лигасини кетма-кет учинчи марта қўлга киритган «Реал»нинг португалиялик ҳужумчиси Криштиану Роналду жорий мавсумдаги Чемпионлар Лигасининг энг яхши тўпурарига айланди.
Португалиялик ҳужумчи жорий мавсум Европанинг клублар ўртасидаги асосий мусобақасида 15 та гол урди. Шу тариқа Роналду Чемпионлар Лигасининг олтинчи мавсумида кетма-кет энг кўп гол урган ўйинчи бўлди.
Карьераси давомида эса Кришти Чемпионлар Лигасида 7 марта тўпурар бўлган. Ундан бошқа бирор футболчига 7 мавсумда Чемпионлар Лигаси турнирининг энг яхши тўпурари бўлиш насиб этмаган.
Изоҳ (0)