Тошкент шаҳридаги Hyatt Regency меҳмонхонасида Ўзбекистон Республикаси Интеллектуал мулк агентлиги ва Бутунжаҳон интеллектуал мулк ташкилоти ҳамкорлигида интеллектуал мулкни баҳолаш ва тижоратлаштириш масалаларига бағишланган миллий семинар-тренинг ўз ишини давом эттирмоқда. Бу ҳақда ЎзА хабар берди.
ЎзА мухбири анжуманда иштирок этган мазкур халқаро ташкилот вакилининг фикр-мулоҳазаларини тақдим этди.
Бугунги анжуман жуда қизиқарли ва фикр-мулоҳазаларга бой бўлмоқда. Мақсадимиз соҳа бўйича амалга оширилаётган янгиликлар, ютуқлар билан танишиш ҳамда билим ва тажриба алмашишдир.Бутунжаҳон интеллектуал мулк ташкилотининг вазифаларидан бири бутун дунёда давлатлар ўртасида келишув ва битимлар асосида интеллектуал мулкни ҳимоя қилишни мувофиқлаштириш ва ҳар хил шартнома ҳамда конвенцияларнинг маъмурий бошқарувини таъминлашга қаратилган.
Бугунги кунда илмий-тадқиқот институтлари ва олий таълим муассасаларида номоддий активларни баҳолаш ҳамда интеллектуал мулкни тадқиқотлар натижаларини бошқариш воситаси сифатида баҳолаш масаласи долзарб саналади. Бунда қимматли номоддий активларни қандай баҳолаш, номоддий активларни сифат жиҳатдан баҳолашга қаратилган турли ёндошувлардан фойдаланиб даражаларга ажратиш мақсадга мувофиқдир.
Анжуман иштирокчиларига ташкилотимиз фаолияти ва амалга ошираётган лойиҳалари, интеллектуал мулкни баҳолаш бўйича йўл-йўриқлар ҳақида маълумотлар бердим. Шу билан бирга, юртингизда соҳада амалга оширилаётган ишлар ҳам эътиборлидир. Ўйлайманки, икки ташкилот ўртасидаги ўзаро ҳамкорлик амалий натижаларга бой бўлади.
Ольга Спасич, Бутунжаҳон интеллектуал мулк ташкилотининг Кичик ва ўрта корхоналар ва тадбиркорликни қўллаб-қувватлаш бўлими маслаҳатчиси
Изоҳ (0)