Норматив-ҳуқуқий ҳужжатлар лойиҳаларининг муҳокамаси порталига «Ўзбекистон Республикаси ҳудудига кирувчи товарларни халқаро почта ва курьерлик жўнатмаларида назорат қилиш ва ҳисобга олишни таъминлаш чора-тадбирлари тўғрисида»ги Ўзбекистон Президенти фармонининг янги лойиҳаси муҳокамага қўйилди, деб хабар беради Spot.
Янги лойиҳанинг аввалгисидан фарқи — божхона тўловларидан озод қилинадиган шахсий фойдаланиш учун товарларни импорт қилишнинг чекланган миқдорини ўзгартириш.
Дастлабки қонун лойиҳасида қиймати 1000 доллар ва 30 килограмм бўлган товарларни бир чорак давомида харид қилишни чеклаш таклиф этилганди. Ушбу таклиф бу каби чекловга қарши чиққан фойдаланувчилар нозорилигига сабаб бўлган.
Янги лойиҳада мазкур нормани ойига 300 доллар ва 20 килограмм этиб белгилаш таклиф этилган.
Бошқа бандлар, масалан, вазн ёки қиймат меъёридан ошиб кетгандаги тўлов ставкаси ўзгармади — нархининг 30 фоизи ва 5 доллар.
Лойиҳанинг янги версияси 6 июнга қадар муҳокама қилинади.
Изоҳ (0)