Normativ-huquqiy hujjatlar loyihalarining muhokamasi portaliga “O‘zbekiston Respublikasi hududiga kiruvchi tovarlarni xalqaro pochta va kuryerlik jo‘natmalarida nazorat qilish va hisobga olishni ta’minlash chora-tadbirlari to‘g‘risida”gi O‘zbekiston Prezidenti farmonining yangi loyihasi muhokamaga qo‘yildi, deb xabar beradi Spot.
Yangi loyihaning avvalgisidan farqi — bojxona to‘lovlaridan ozod qilinadigan shaxsiy foydalanish uchun tovarlarni import qilishning cheklangan miqdorini o‘zgartirish.
Dastlabki qonun loyihasida qiymati 1000 dollar va 30 kilogramm bo‘lgan tovarlarni bir chorak davomida xarid qilishni cheklash taklif etilgandi. Ushbu taklif bu kabi cheklovga qarshi chiqqan foydalanuvchilar nozoriligiga sabab bo‘lgan.
Yangi loyihada mazkur normani oyiga 300 dollar va 20 kilogramm etib belgilash taklif etilgan.
Boshqa bandlar, masalan, vazn yoki qiymat me’yoridan oshib ketgandagi to‘lov stavkasi o‘zgarmadi — narxining 30 foizi va 5 dollar.
Loyihaning yangi versiyasi 6-iyunga qadar muhokama qilinadi.
Izoh (0)