Қозоғистон пойтахти Остона шаҳрида ўтказилган махсус операцияда 12 мингта дозадаги гиёҳванд модда қўлга олинди. Бу ҳақда Tengrinews хабар берди.
Қозоғистон ИИВ ходимлари томонидан ўтказилган махсус операцияда мамлакат пойтахтида яшовчи аёлнинг уйидан тўрт килограмм героин гиёҳвандлик моддаси топилган.
Хабар берилишича, аёл ўзининг ишончли одамлари воситасида гиёҳванд моддаларни тарқатиш билан шуғулланган. Бу шахслар ҳам операция вақтида ноқонуний равишда катта миқдорда гиёҳванд модда сақлаганлиги учун қўлга олинган.
Махсус операция вақтида ноқонуний айланишда бўлган 12 мингта дозадаги қиймати 48 миллион тангадан (1 152 000 000 сўм) ортиқ гиёҳванд модда жиноятчилардан олиб қўйилган.
Изоҳ (0)