АҚШ президенти Дональд Трамп 14 май куни буйрагини операция қилдирган Мелания Трампнинг аҳволидан хабар олиш учун Walter Reed номидаги миллий ҳарбий-тиббий марказига борди. Бу ҳақда Forum Daily хабар берди.
Таассуротлари ҳақида Дональд Трамп ўзининг Twitter микроблогида ёзди:
«Биринчи хоним ўзини яхши ҳис қиляпти. 2 ёки 3 кундан кейин шифохонадан чиқади. Қўллаб-қувватлаётганингиз учун ташаккур!»
14 май, душанба куни Мелания Трамп буйрагида безарар ўсимта пайдо бўлгани учун эмболизация муолажасини бошдан кечирди.
Мелания Трампнинг матбуот хизмати хабар беришича, муолажа муваффақиятли ва асоратларсиз ўтган.
ОАВ эътиборини жалб қилмаслик учун операция вақтида Дональд Трамп Оқ уйда қолган. Бироқ операциядан бир неча соат ўтгач, биринчи хонимнинг ҳолидан хабар олиш учун борган. Бу ҳақда президент 14 май, душанба кунининг иккинчи ярмида ўзининг Twitter микроблогида маълум қилган:
«Муолажа муваффақиятли ўтди, ҳозир унинг кайфияти аъло даражада. Ҳаммага раҳмат!»
Изоҳ (0)