Newsweek Россия президенти Владимир Путиннинг «Кортеж» лойиҳасидаги автомобили ва АҚШ президенти Дональд Трампнинг Cadillac автомобилини солиштириб чиқди. Бу ҳақда Sputnik хабар бермоқда.
«Владимир Путин ва Дональд Трамп иккисини юқори синфдаги лимузинларга муҳаббат бирлаштиради», — деб ёзади Том О'Коннор.
Нашр Путиннинг машинасини таҳлил қилиб, у Rolls Royce Phantom ва Rolls Royce Ghost лимузинларига ўхшашлигини таъкидлайди.
Нашрнинг маълум қилишича, «Кортеж»да 12 цилиндрли двигатель ўрнатилган бўлиб, у Трампнинг лимузинидаги 8 цилиндрли двигателдан анча кучли. Бундан ташқари, Трампнинг «Йиртқич» деб ном олган лимузини «Кортеж»дан 1,5 тонна оғирроқ.
«Янги автомобиль кўплаб кўрсаткичлар бўйича ўзидан аввалги машинадан устунроқ бўлади. Россия бу борада узоқ вақт олдинда бўлиши даргумон», деб айтилган нашрда.
Изоҳ (0)