Бугун, 14 май куни Тошкентнинг Чилонзор туманидаги 19-мавзеда 94-йўналиш бўйича қатновчи автобус ёниб кетди. Бу ҳақда «Дарё»нинг мобил мухбири хабар берди.
Маълумотларга кўра, соат 08:30 лар атрофида «Мажнунтол» ресторани қаршисида Mercedes Benz русумли автобус ёниб кетган. Йўловчилар ёнғин кучайгунига қадар автобусни тарк этишга улгурган.
Ҳайдовчининг сўзларга қараганда, ёнғин бошланиши у барча эшикларни очиб, йўловчиларни тушириб юборган. Нохуш ҳодиса оқибатида ҳеч ким жабрланмаган.
Изоҳ (0)