Канаданинг SkyPower Global компанияси Ўзбекистонда умумий қиймати 1,3 миллиард долларга тенг бўлган инвестиция лойиҳаларини амалга оширади. Бу ҳақда ЎзА хабар берди.
Қайта тикланадиган энергия манбалари соҳасида инвестиция лойиҳаларини амалга оширишга оид қўшимча чора-тадбирлар тўғрисидаги Президент қарори қабул қилингани ҳақида Адлия вазирлигининг телеграмдаги «Ҳуқуқий ахборот» канали хабар қилди, дейилади ЎзА хабарида.
Қарорга кўра, SkyPower Global компанияси умумий қиймати 1,3 млрд долларга тенг бўлган фотоэлектр қуёш энергиясини ишлаб чиқариш бўйича объектларни лойиҳалаштириш, молиялаштириш, қуриш, эгалик қилиш ва фойдаланиш бўйича инвестиция лойиҳаларини амалга оширади.
Шунга кўра, Тошкент, Самарқанд, Навоий, Жиззах, Сурхондарё ва Қашқадарё вилояти ҳокимликларига ушбу лойиҳани амалга ошириш учун белгиланган тартибда ер участкалари ажратиш вазифаси топширилди.
Изоҳ (0)