Йиғлаётган боланинг бегонаси бўлмайди. Аброрбекнинг ҳаётини сақлаб қолайлик!
5 ёшли Аброрбек Ҳабибуллаев Тошкент вилояти Ўрта Чирчиқ тумани Бургалик қишлоғида юрак туғма нуқсони билан туғилган. 2 ойлигида Тошкент Педиатрия тиббиёт институти поликлиникасида кардиолог А.Ким томонидан «Тетрадa фалло» ташхиси қўйилган.
Аброрбекнинг онаси Камола опа уч йил аввал ўғлини жарроҳлик амалиётига олиниши учун навбатга қўйган. У 438-навбат 3 йил ўтиб ҳам келмаганидан нолийди ва ўғлининг аҳволи кундан-кун ёмонлашиб бораётганидан хавотирда.
Аброрбек бугун деярли кўчага чиқмайди. Унга кескинроқ ҳаракат тақиқланган. Бола яшайдиган маҳалла газлаштирилмагани боис аҳоли кўмир ва ўтин ёқади. Доимий тутун ҳам болакайга жиддий зиён етказмоқда. Беш киши яшайдиган оилада ҳеч ким доимий ишламайди. Ота маҳалласида мавсумий ишлар қилади. Она кун бўйи боласининг ёнида бўлгани боис ишлаш имкони йўқ. Ота-онанинг уч йиллик турли муассасалар, шифохоналар эшиги ортидаги саноқсиз кунлари самарасиз кетмоқда. Бола учун эса ҳар дақиқа ғанимат. Юракдаги учта тешик бола улғайгани сайин катталашиб бормоқда. Зудлик билан бола операция қилиниши керак. Тиббиёт бирлашмаси томонидан бериладиган ордер бўлса жарроҳлик амалиёти анча арзон бўларди. Аммо уч йилдан бери қўлга тегмаган ордерни энди кутишга фурсат йўқ.
Ўлим билан олишаётган болакайнинг кучи қолмади, ҳолдан тойган Аброрбекнинг кўзларига қараб этингиз увишади. Кўз ўнгингизда порлаб турган кўзлардаги нурнинг сўниб боришига қандай чидаб қараб туриш мумкин?! Бугун Аброрбек яхшиларнинг меҳрига, кўмагига муҳтож. Биринчи операция нархи (жарроҳлик пайти юракнинг узликсиз ишлаб туришини таъминлайдиган аппаратнинг баҳоси ва дорилари билан бирга) 22 миллион сўм. Беморнинг аҳволи ва ундаги ўзгаришларга қараб шифокорлар яна бир операцияга зарурат бўлиши мумкинлигини айтишмоқда.
Аброрбекнинг ҳаётини сақлаб қолайлик!
Хайрия қилиш истагида бўлган саховатпеша инсонлар учун қўшимча маълумотлар:
Карта рақами: 8600 0423 6691 7200
Аброрбекнинг онасининг телефон рақами: +99890 963 50 53; +99894 368 93 79
