«Ўзтўқимачиликсаноат» уюшмаси брифингида мактаб формаси намуналари намойиш этилди (фото)

Ўзбекистоннинг иккита мактабида мактаб формаси намуналарини синовдан ўтказиш бошланди. Ягона мактаб формасини жорий қилиш тажрибаси Тошкент шаҳридаги 91-сонли ва Сирдарё вилоятидаги 4-сонли мактабларда ўтказилмоқда. «Ўзтўқимачиликсаноат» уюшмаси брифингида мактаб формаси намуналари намойиш этилди. Бу ҳақда уюшма матбуот хизмати хабар берди.

Бугунги кунда мактаб формасининг ўнта намунаси синалмоқда, улар дизайни ҳамда кўйлак, пиджак ва жакетларда қўлланилган матолари билан бир-биридан фарқ қилади.

91-сонли мактаб директори қайд этишича, ўқувчиларнинг ота-оналари республикада ягона намунадаги мактаб формаси жорий этилишини қўллаб-қувватламоқда. Синов чоғида ота-оналар кийимларнинг юқори сифати, пишиқлиги ва қулайлигини қайд этган.