Аксарият ҳолларда машҳурларнинг фарзандлари ўз ота-онасининг соясида қолиб кетади. «Nur.kz» президентларнинг машҳурликда ўз оталаридан қолишмайдиган қизлари ҳақида маълумот тўплаб тақдим этди.
Дариға Назарбоева
Қозоғистон президенти Нурсултон Назарбоевнинг уч нафар қизи бор, бироқ улар орасида энг машҳури — Дариға ва Алия.
Дариға Назарбоева фаол ва муваффақиятли равишда сиёсий карьерасини қурмоқда, яқинда у мамлакатдаги энг обрўли аёллар рейтингининг етакчисига айланди.
2016 йилнинг 15 сентябрида Қозоғистон парламентига сенатор сифатида сайланган эди.
Алия Шагиева
Қирғизистоннинг собиқ президенти Алмазбек Атамбаевнинг қизи Алия рассомчилик билан шуғулланади. «Мен озод бўлиш ва бошқаларни ҳам бунга чорлашни истайман», — деб ёзади президентнинг қизи ўзининг Facebook’даги саҳифасида.
Унинг суратлари ва постлари Қирғизистон ва хориж ОАВларида бир неча бор шов-шувларга сабаб бўлган. Шунингдек, Алия хайрия ишлари билан ҳам шуғулланади.
Озода Раҳмон
Тожикистон президенти Эмомали Раҳмоннинг қизи АҚШда таҳсил олган. Жоржтаун ва Мэриленд университетларини тамомлаган Озода Тожикистонга қайтиб, сиёсий карьерасини қуришга киришган.
Тожикистон сенати аъзоси ва дунёнинг энг муваффақиятли 100 нафар аёлларидан бири ҳисобланади.
Айшат Қодирова
Чеченистон президенти Рамзан Қодировнинг қизи ўзининг кийимлар коллекцияси билан танилган. Ўтган йили турмушга чиққан Айшат Firdaws модалар уйининг директори ҳисобланади.
Сумайя Эрдўғон
Ражаб Тоййиб Эрдўғоннинг катта қизи Эсра омма олдида кўп ҳам кўриниш беравермайди, бироқ кичкина қизи — Сумайя мамлакатнинг сиёсий ҳаётида ва отасининг расмий учрашувларида фаол иштирок этади.
Сумайя Оксфорд университетини тамомлаган.
Иванка Трамп
Иванка Пенсильвания университетини тамомланган ва отаси Дональд Трампга расмий учрашув ҳамда хориж сафарларида мунтазам ҳамроҳлик қилади.
Лейла Алиева
Озарбайжон президенти Илҳом Алиевнинг икки нафар қизи орасида Лейла кўпроқ машҳурликка эга. У суратлар чизади, шеърлар ёзади, ҳатто бир нечта китоб ҳам чиқарган.
Изоҳ (0)