Aksariyat hollarda mashhurlarning farzandlari o‘z ota-onasining soyasida qolib ketadi. “Nur.kz” prezidentlarning mashhurlikda o‘z otalaridan qolishmaydigan qizlari haqida ma’lumot to‘plab taqdim etdi.
Darig‘a Nazarboyeva
Qozog‘iston prezidenti Nursulton Nazarboyevning uch nafar qizi bor, biroq ular orasida eng mashhuri — Darig‘a va Aliya.
Darig‘a Nazarboyeva faol va muvaffaqiyatli ravishda siyosiy karyerasini qurmoqda, yaqinda u mamlakatdagi eng obro‘li ayollar reytingining yetakchisiga aylandi.
2016-yilning 15-sentabrida Qozog‘iston parlamentiga senator sifatida saylangan edi.
Aliya Shagiyeva
Qirg‘izistonning sobiq prezidenti Almazbek Atambayevning qizi Aliya rassomchilik bilan shug‘ullanadi. “Men ozod bo‘lish va boshqalarni ham bunga chorlashni istayman”, — deb yozadi prezidentning qizi o‘zining Facebook’dagi sahifasida.
Uning suratlari va postlari Qirg‘iziston va xorij OAVlarida bir necha bor shov-shuvlarga sabab bo‘lgan. Shuningdek, Aliya xayriya ishlari bilan ham shug‘ullanadi.
Ozoda Rahmon
Tojikiston prezidenti Emomali Rahmonning qizi AQShda tahsil olgan. Jorjtaun va Merilend universitetlarini tamomlagan Ozoda Tojikistonga qaytib, siyosiy karyerasini qurishga kirishgan.
Tojikiston senati a’zosi va dunyoning eng muvaffaqiyatli 100 nafar ayollaridan biri hisoblanadi.
Ayshat Qodirova
Checheniston prezidenti Ramzan Qodirovning qizi o‘zining kiyimlar kolleksiyasi bilan tanilgan. O‘tgan yili turmushga chiqqan Ayshat Firdaws modalar uyining direktori hisoblanadi.
Syumeye Erdo‘g‘on
Rajab Toyyib Erdo‘g‘onning katta qizi Esra omma oldida ko‘p ham ko‘rinish beravermaydi, biroq kichkina qizi — Syumeye mamlakatning siyosiy hayotida va otasining rasmiy uchrashuvlarida faol ishtirok etadi.
Syumeye Oksford universitetini tamomlagan.
Ivanka Tramp
Ivanka Pensilvaniya universitetini tamomlangan va otasi Donald Trampga rasmiy uchrashuv hamda xorij safarlarida muntazam hamrohlik qiladi.
Leyla Aliyeva
Ozarbayjon prezidenti Ilhom Aliyevning ikki nafar qizi orasida Leyla ko‘proq mashhurlikka ega. U suratlar chizadi, she’rlar yozadi, hatto bir nechta kitob ham chiqargan.
Izoh (0)