Пентагон раҳбари: АҚШ ўз қўшинларини Корея яриморолидан олиб чиқиб кетишни муҳокама қилишга тайёр

Пентагон раҳбари Жеймс Мэттис АҚШ ўз иттифоқдошлари ва КХДР билан қўшинларини Корея яриморолидан олиб чиқиб кетишни муҳокама қилишга тайёр эканлигини айтди. Бу ҳақда «Газета.uz» хабар берди.

«Иттифоқдошларимиз ва, албатта, Шимолий Корея билан бўлиб ўтадиган музокараларимиз вақтида ушбу масала биринчи навбатда кўриб чиқилади», — дейди Мэттис.

Шунингдек, унинг таъкидлашича, айни вақтда «олдиндан шартлар ёки бу қандай бўлиши кераклиги борасида тахминларга берилиш шарт эмас».

Эслатиб ўтамиз, 27 апрель куни Шимолия ва Жанубий Корея етакчилари Корея яриморолини тўлиқ денуклеаризация қилиш тўғрисидаги қўшма битимга имзо чеккан эди.