Ла Лига. «Атлетико М» кутилмаганда йирик ҳисобда мағлуб бўлди, «Малага» лигани тарк этди, «Барселона» чемпион бўлиши учун эса битта ғалаба кифоя
17 апрель санасида Испания Ла Лигасининг 3 кун давом этадиган 33-тур баҳслари бошлангани ҳақида аввалроқ хабар берилган эди. Кеча, 19 апрель санасида 33-тур баҳсларига якун ясалди.
Чемпионлик пойгасида «Барселона» қувиб келаётган «Атлетико» сафарда кутилмганда «Реал Сосьедад»га йирик ҳисобда мағлуб бўлди. Учрашувнинг 27-дақиқасида ҳисоб Виллиан Жозе томонидан очилди. Иккинчи бўлимнинг 80 ҳамда 90-дақиқасида эса Хуанми дублни расмийлаштириб, «Атлетико»ни чемпионлик пойгасидан четга чиқишини таъминлади.
«Леванте» эса ўз майдонида «Малага»ни қабул қилди. Учрашувнинг 90-дақиқасида Боатенг томонидан киритилган гол «Малага»ни Европанинг топ-7 лигалари ичида мавсум тугамасидан туриб, чемпионатни тарк этган илк жамоага айлантирди.
Шу тариқа агарда Ла Лигада «Барселона» 35-турда «Депортиво»ни (34-турдаги «Севилья»га қарши ўтадиган учрашув қолдирилган) мағлуб этадиган бўлса, 36-турда «Реал Мадрид»га қарши ўтадиган ўйинда майдонга чемпион сифатида тушадиган ҳолат юзага келди. Аввалроқ мадридликлар «Барселона» учун «чемпионлик коридори» ҳосил қилмасликларини эълон қилган эди.
Ла Лига
33-тур беллашувлари
17 апрель, сешанба
«Депортиво» — «Севилья» 0:0
«Сельта» — «Барселона» 2:2
Голлар: 1:0 — 36 Дембеле. 1:1 — 45 Хонатан Кастро. 2:1 — 64 Алькасер. 2:2 — 82 Аспас.Четлатиш: 71 Серхи Роберто.
«Вильярреал» — «Леганес» 2:1
Голлар: 1:0 — 42 Руис. 2:0 — 55 Бакка. 2:1 — 82 Брашанац.18 апрель, чоршанба
«Валенсия» — «Хетафе» 1:2
Голлар: 0:1 – 16 Реми, 0:2 – 49 Реми, 1:2 – 69 Родриго.«Эспаньол» — «Эйбар» 0:1
Гол: 0:1 – 32 Ломбан.«Реал Мадрид» — «Атлетик Б» 1:1
Голлар: 0:1 – 14 Иняки Уильямс, 1:1 – 87 Роналду.19 апрель, пайшанба
«Алавес» — «Жирона» 1:2
Голлар: 0:1 – 59 Алейш Гарсия, 0:2 – 86, пенальти Стуани, 1:2 – 90 Пина.«Реал Сосьедад» — «Атлетико Мадрид» 3:0
Голлар: 1:0 – 27 Виллиан Жозе, 2:0 – 80 Хуанми, 3:0 – 90 Хуанми.«Бетис» — «Лас-Пальмас» 1:0
Гол: 1:0 — 90 Фирпо«Леванте» — «Малага» 1:0
Гол: 1:0 — 90 Боатенг.
