Қирғизистон ҳукумати истеъфога чиқарилди

Қирғизистон президенти Сооронбай Жеенбеков мамлакат ҳукуматини истеъфога чиқариш ҳақидаги фармонга имзо чекди. Бу ҳақда «Ведомости» хабар бермоқда.

Фармонга мувофиқ, бош вазир Сапар Исаков ва ҳукумат аъзолари янги ҳукумат таркиби шакллантирилгунча ўз вазифаларини бажаришда давом этади.

Олдинроқ Қирғизистон парламенти депутатлари бош вазир Сапар Исаков бошчилигидаги ҳукуматга ишончсизлик билдирган, бу қарорни 120 депутатдан 101 нафари қўллаб-қувватлаганди.

Қайд этиш жоизки, Қирғизистон парламенти илк бор ҳукуматга ишончсизлик билдирди. Бунга ҳукуматнинг қатор муҳим лойиҳаларни амалга оширишда йўл қўйган хатолари сабаб бўлгани айтилмоқда.