Саудия Арабистонида 18 апрель, чоршанба куни биринчи оммавий кинотеатр очилмоқда. Муассаса 35 йилда илк бор мамлакат пойтахти Ар-Риёдда ташриф буюрувчиларни қабул қилади, деб ёзади «Корреспондент.net».
Американинг AMC тармоғи кинотеатрида Голливуд блокбастерларидан бири намойиш этилади.
Бунда кинотеатр оддий фуқаролар учун дастлаб очиқ бўлмайди. Апрель ойидаги биринчи ва кейинги бир қатор намойишларга фақат махсус таклифномалар соҳиблари ташриф буюриши мумкин.
Кинотеатр очилишида айнан қайси фильм намойиш этилиши, шунингдек томошага кимлар таклиф этилганлиги ҳозирча маълум қилинмади. Норасмий маълумотларга кўра, Ар-Риёдда Райан Куглернинг «Қора пантера» фильми намойиш этилади.
Изоҳ (0)