Ўзбекистон Президенти матбуот хизматининг Пресс-холлида 17 апрель куни брифинг бўлиб ўтди. Унда Президент матбуот котиби Комил Алламжонов сўзга чиқиб, давлат раҳбарининг 13 апрель куни Сирдарёда бўлиб ўтган фаоллар йиғилишида берган баёноти юзасидан олиб борилаётган ишлар ҳақида ахборот берди.
13 апрель куни Сирдарё вилоятининг Сайхунобод туманида Президент Шавкат Мирзиёев раислигида вилоят фаоллари йиғилиши бўлиб ўтганди. Унда давлат раҳбари жойларга ташрифи арафасида маҳаллий мансабдорлар томонидан ўқитувчи ва тиббиёт ходимлари ободонлаштириш ишларига жалб этилаётгани, шунингдек, турли лойиҳаларни тақдим этиш жараёнида кўзбўямачилик ҳолатларига йўл қўйилаётганини танқид қилган эди.
Хусусан, Президент унинг Самарқанд вилоятига ташрифи арафасида кўча тозалаш ишларига жалб этилган 23 ёшли ўқитувчи — Диана Еникееванинг ҳам ўлимига тўхталиб, жумладан, шундай деганди: «Бу воқеа ташрифимдан икки-уч кун аввал юз берган, бироқ юрагимда худди мен сабаб шундай бўлгандек из қолдирди».
Мавзуга доир: «Ўзим шундай кўзбўямачиликларга қарши эдим». Шавкат Мирзиёев раҳбарларни сўнгги бор огоҳлантирди (видео)
Шавкат Мирзиёев Бош прокуратура олдига ҳам бир қатор вазифалар қўйди. Самарқандлик ўқитувчи Диана Еникееванинг ўлимига сабабчи бўлган мансабдор шахсларни юридик жавобгарликка тортиш бўйича топшириқлар берди. Ҳозирда бу ҳодиса бўйича ўрганиш олиб борилмоқда.Комил Алламжонов, Ўзбекистон Президенти матбуот котиби
Изоҳ (0)