Ўзбекистон ва Тожикистон транспорт мутасаддилари 13 апрель куни Тошкентда икки давлат ўртасида автобус қатновини тиклаш бўйича келишувни имзолайди. Бу ҳақда Asia-Plus хабар бермоқда.
Автобуслар қатнови жорий йил май ойи бошида йўлга қўйилиши кутилмоқда. Улар Душанбедан Денов ва Термизга, Панжикентдан Самарқандга, Хўжанддан Тошкент ва Фарғонага қатнайди.
Қатнов жадвали ва йўлкира ҳақига келишув имзоланганидан сўнг аниқлик киритилади.
Ўзбекистонга йўловчи рейсларининг Тожикистоннинг Asian Express компанияси амалга оширади. Тожикистонга қатнайдиган маҳаллий компания эса Ўзбекистон автомобиль транспорти агентлиги томонидан кейинчалик маълум қилинади.
Изоҳ (0)