Бир неча йилдан буён қурилиши гоҳ тўхтаб, гоҳ авж олиб давом этаётган «Отчопар» мажмуасининг янги қиёфасини акс эттирувчи эскизлар пайдо бўлди.
Мажмуага кириш йўлагидан тортиб унинг охиригача илиб чиқилган суратлардан билиш мумкинки, эндиликда, ушбу жой нафақат кўпкари мусобақалари ўтказиладиган оддий майдон, балки бутун бошли ҳақиқий замонавий мажмуага айланиши кутилмоқда.
Эскизларга қараб замонавий услубдаги от фермаси ташкил этилишини тахмин қилиш мушкул эмас. Бундан ташқари, ушбу от фермасида, кўринишидан, ташриф буюрувчилар оила аъзолари билан биргаликда келиб ҳордиқ чиқариш, отларга миниб сайр қилиш ва турли мусобақаларни кузатиши мумкин бўлади.
Бир қарашда ҳам хиёбон, ҳам ҳайвонот боғини ёдга солувчи улкан мажмуа бўйича ҳозирча расмий маълумотлар берилмаган. Тез орада нашримиз бунга аниқлик киритади.
Изоҳ (0)